Din l-għodda tenfasizza l-importanza kritika tat-trawwim tal-benesseri tal-istudenti fl-iskejjel, b’mod partikolari fil-kuntest tal-era ta’ wara l-COVID. Ir-riċerka turi l-influwenza pożittiva li l-ambjent tal-iskola jista’ jkollu fuq is-saħħa mentali tal-istudenti. Ir-relazzjonijiet u l-appoġġ lill-istudenti mill-għalliema, u persunal ieħor fl-iskola għandhom rwol vitali fil-promozzjoni tal-benesseri u fit-tnaqqis tad-dwejjaq psikoloġiċi fost l-istudenti. L-iskola primarja li tidher f’din l-għodda hija istituzzjoni mmexxija mill-istat f’Malta, li f’dawn l-aħħar snin uriet titjib notevoli fir-riżultati akkademiċi tal-istudenti. L-iskola tinsab f’żona li għaddejja minn żvilupp urban rapidu, speċifikament fir-reġjun tal-Port ta’ ġewwa. Il-komunita’ ta’ madwar l-iskola hija fil-biċċa l-kbira magħmula minn residenti minn ambjenti soċjoekonomiċi baxxi, b’relattivament ftit migranti fost il-popolazzjoni.